XEWNDANK

Gote min ev BROKOLÎ ye. Ne celebek ji kelemên gundan e. Zebzeyeke modern e. Bi qewlê wê, divê min xwe hîra bikira da her dem brokoliyê bixwim û ji derd û daxên hemû nexweşiyan xilas bibim, belkî min bixwesta ez li nav zeviya xwe jî wê biçînim, jiyana nûjen ma ne bi her awayî çandiniyekeexperîmental bû, bi qewlê wê tişteke ‘ecêb bû ku heta wê demê min brokolî nexwaribû, jixwe wê hîç fêm nedikir ku ez û gelê min ê bindestê her dem û dewranê, me çawa xwarinên bê brokolî çêdikirin, tama devê me ji ber goşt û giyayên çiyayê di welatê me xira bûbû, bi qewlê wê ji piçukatiya xwe ve dayika wê ew hîra kiribû ku çend rojan carekê bê brokolî, xwarinê an jî seletê nexwe.