TEHSîN ÎBRAHîM DOSKÎ Û CIHÊ WÎ Dİ EDEBİYATA KURDÎ DA

Tehsîn Doskî, nivîskar, lêkolîner, muheqqiq, musennif, helbestvan, rojnamevan, kovarger, wa’iz, wergêr û mamosteyekî pirlayen e. Wî di hemî babetên edebiyatê de wekî  helbest, çîrok, dîrok, tefsîr û şirove, rexne û ceribandin nivîsîne. Herwesa wî tehqîq  û senifandina berhemên kevn, ji nû saxkirina destxetên şa’irên klasîk bigire heta berhemên zanyariyên Îslamî wekî ‘eqaid, tecwîd, hedîs, tefsîr û rêziman û hwd. çêkirine. Ew wekî nivîskarên kevn ji bo mînak Îmamê Suyûtî42 di her babetê ku valahiyek tê da dîtîye, di wî babetî de tiştek nivîsiye.

Lê hêjayî gotinêye ku bêjîn; berî her tiştî, tişta ku ew kiriye Tehsîn Îbrahîm Doskî û şohreteke weha belav û biheq dayîye wî destxet xwendin e. Ew pîrê destxetan e. Kesên agehdariyek li ser kitêb û keşkûl û nivîsarên destxet hebît dizane ku xwendina destxetan karekî gelek sext û zor e. Ji bo ku mirov bişêtin destxetekî dused sêsed sal berî niha hatiye nivîsîn bixwînît qenebît divê mirov her awayê nivîsîna ‘erebî bizanît. Li Devamını Göster