Raro Raşt û Me'lûmatê Dînîye

Raro Raşt û Me?lûmatê Dînîye nameyê di kitabê Muhemmedê Şêx Ensarî yê. Nê eserê menzûmî serra 1948 de nusîyayê. Raro Raşt derheqê eqîde de, Me?lûmatê Dînîye zî derheqê fiqihî de nusîyayo. Hetê kronolojîkî ra, kirdkî (zazakî) de kitabê hîrêyin ê; la wareyanê xo de kitabê yewin ê ke bi zazakî nusîyayê. Nê kitabî hetanî ewro tena destnuşteyan de, bi hawayêko mehdûd mendê, cora xebera zafê kesan înan ra çin bî. No eser de, Raro Raşt û Me?lûmatê Dînîye bi metnê transkrîpsîyonî (yanî bi herfanê latînkî) û bi metnê orîjînalî (yanî bi herfanê erebkî) pîya neşr bîyê. Semedo ke wendişê ey asan bo, metno orîjînal komputer de newe ra nusîyayo.