KEN PARKER - APAÇÎ

Ne ku bi tenê di cîhana xêzeromana îtalî de, lê herwiha ew yek ji nivîskarên herî navdar ê dîroka xêzeromanê ye. Berardi xwedî wê behremendiyê ye ku bi serfirazî dişê nimûneyeke wê cîhanbîniya humanîst û nûjenxwaz di xêzeromanê de pêk bîne, ya ku derhênerê navdar John Ford ew anîbû nava hunera sînemayê. Wî xêzeroman ji cîhana lehengê mêr derxistiye û bi vegotina xemgînî û neçariya wê ve kirasekî mirovî lê kiriye. Berardiyê ku di sala 1949an de hatiye dinyayê nivîskarekî baş ê xêzeromanê, xêzkerekî baş, gîtarîst, stranbêj, bestekar û şanonivîs e. Ew hunermendekî piralî ye ku wî hê di dema lîseyê de şano nivîsîne, derhêneriya wan kiriye û di wan de leyîstiye, û ji bo koma ’Beat’’ The Scorpions a ku bi hevalên xwe re damezrandibû stran çêkirine û derketiye ser dikê. Di gel ku ew xêzkerekî baş e jî piştî ku rastî hostetiya Milazzo hatiye, wî xêzkerî ji hevalê xwe re hiştiye û tevahiya enerjiya xwe daye ser nivîsînê. Cara pêşîn bi nivîsandina rêzên Tarzan, Silvestro û Diabolik re nav û d Devamını Göster