FIQHA ŞAFI'Î

Di wan salan da dihat xuyakirin ku ew Kurdên Şafi’î ne, zêdetir hewcedarîya wan bi fiqha Şafi‘î ya bi zimanê kurdî û bi herfên latinî hatîye nivîsandinê heye. Ez li ser vê mijarê gelek fikirîm û min dest bi lêgerîn û lêkolînan kir. Di vê kitêbê da heta ji min hat mine w agahîyên fiqhî yên ku gel dixwaze bizanibe bi zelalî nivîsand û pirsgirêkên di mêjîyê wan da hene bersiva wan da. Çawa ku ji navê vê pirtûkê jî tê fêmkirin me ji xwe ra mezhebê Şafi‘î wek bingeh girt. Di amadekirina vê berhema nefspiçûk da armanc ew e ku ev îlmihala hanê bibe mîna nexşerêyek ji bo wan kesên ku rêya mezhebê Îmamê Şafi‘î dişopînin. Di pirtûkê da bi hûrgilî li ser hemû mijaran nehatîye sekinandin. Lêbelê ew zanistên ku bi taybetî di rêza yekemîn da ji bo îbadetan pêwîst in hatin dayîn.