ETNOGRAFYA Û YEKÎTÎYA ETNÎKÎ YA KURDAN

Kombûna li devereke teng ya zanyarîyê, zû ve ye, di der barê etnosan (eşîret, grubên eşîret, milet, netewe...) de û dirustbûna ray û nêrînên awa awa û dijîtîyên li ser hev, bûn bi zemînekî li bar ji bo serîhildana zanistek bi navê etnog- rafya, ji bo vî warî, yanî warê etnîkî. Warê etnîkî, ku xwe di milê neteweyî de nişan dide, sebebê serekî ji bo ji hevcihêkirina civatan, sîstema civatan li gor qonaxên pêşketina civatî li hev nêzîk bin yan mimkun e wekî hev bin; lê ya taybetmendîyê didin hev û ji hevûdu cihê dikin milê neteweyî ye.

Ji bo wê jî tu civateke bêteref yê neteweyî nabe. Etnograf- ya ji bo vê mebestê, yanî diyarkirin û ronîkirina milê neteweyî yê her civatekê, her wiha sinifandina civatbûna insanîyetê li gor merc û nişan/karekterê etnîkî, wekî zanis- teke metod û teorîya xwe ya taybetî heye.