Dîwan -Derdê Welat-

Serda Selaheddîn, yek ji wan şairên me yên jîr e ku heta niha nehatiye nasîn. Hêj di medreseyê de feqiyekî nûciwan bûye dest bi şiîrê kiriye. Gelek balkêş e ku Serda di wî temenê xwe yê pir ciwan de şiîrên pir estetîk û kûr nivîsîne. Serda Selaheddîn, di 22 saliya xwe de ji cîhana fanî xatir xwestiye û ber bi aramageha baqî ve bar kiriye, lê di du salên dawiya jiyana xwe de tim bi nexweşiyê re mucadele kiriye û di wan du salan de şiîr pir hindik nivisîne; şiîrên xwe bi piranî heta 18-19 saliya xwe temam kirine. Şiîrên Serda, hemî bi wezinikî hatine hûnandin û mijara wan bi piranî li ser netewperwerî, Kurdistan, rewşa Kurdan, evîn û siruştê ne.